әскери химиялық барлау аспабы

(Войсковой прибор химической разведки)

ауадағы, жердегі, техникадағы, көліктегі және басқа заттардағы улы заттарды анықтауға арналған аспап. Ә.х.б.а. қақпақты корпустан және оған орнатылған қол сорғыдан, сорғының кигізбелі сабынан, индикатор түтікшелі қағаз кассеттерден, түтінге қарсы сүзгілерден, қорғаныш қақпақшасынан, электр шамынан және басқа бөлшектерден тұрады. Ә.х.б.а. жәрдемімен улы заттарды анықтауда индикаторлық түтікшелердің рөлі маңызды. Ә.х.б.а. кешенінде үш түрлі индикаторлық түтікше бар: бір қызыл сақиналы және бір қызыл нүктелі түтікше заринді, зоманды, Y-газын, бір сары түтікше ипритті, үш көк сақиналы түтікше фосгенді, көгерткіш қышқылын және хлорцианды анықтауға арналған. Қорғаныш қабықшасы топырақ пен сусымалы материалдарды тексеруге пайдаланылады. Индикаторлық түтікшелермен төменгі температурада жұмыс істеген жағдайда арнаулы жылытқыш пайдаланылады. Ә.х.б.а-мен улы заттарды анықтау әдістері арнаулы әдебиеттерде көрсетілген. Аспап жұмыс істеуге өте қолайлы әрі қарапайым. Ылғал тигізбей құрғақ жерде сақтау керек. Оны химик-барлаушылар пайдаланады.